ату секторы

(Сектор обстрела)

оң жақ пен сол жақтағы шектелген екі белгіні (төбешік, ағаш, үй, т.б. заттар) қарсыласты жою үшін және атыс құралдарымен (пулемет, зеңбірек, танк) тікелей нысанаға алу. А.с. негізгі және қосымша деп көрсетіледі. Олар құралдардың нақтылы тиімділік қашықтығына сай белгіленеді. Негізі А.с. бұрыштарының мөлшері атыстың маңызды бағытын қамтиды. Бұл секторды ұқыпты бақылауға, атыс міндеттерін мерзімінде орындауға мүмкіндік туғызады. Қосымша А.с. кез келген бағытқа, қапталға, майданға, тылға бағытталады, көрші А.с-ның шегінен өтіп те кетеді. Қосымша А.с. жергілікті заттармен немесе арнаулы бағдармен белгіленеді. Зеңбіректің, танктердің, ТҚБРС-тың (танкіге қарсы басқарылатын реактивтік снаряд) қосымша А.с-ның бұрыш мөлшері 250 не одан да артық болады.